ជួយគ្នាក្នុងគ្រាលំបាកក្នុងសម័យកូរ៉ូណាឬកូវីដ១៩

កាលពីថ្ងៃព្រហស្បតិ៍ ៩កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី ៣០​ ខែមេសា ឆ្នាំ២០២០  សម្តេចព្រះអគ្គមហាសង្ឃរាជាធិបតី ទេព​ វង្ស​ បានយាងនិមន្តធ្វើជាព្រះអធិបតីភាពក្នុងការចែកទានដល់ប្រជាពលរដ្ឋ១២០គ្រួសារនៅខេត្តកំពង់ឆ្នាំង ក្នុងពេលកន្លងទៅ។​ នេះគឺជាព្រះរាជសកម្មភាពនិងសកម្មភាពដ៏ថ្លៃថ្លារបស់ព្រះសង្ឃខ្មែរ ដែលតែងតែជួយដល់ប្រជាពលរដ្ឋទូទៅដោយមិនមានការរើសអើងជំនឿសាសនា និងជាតិសាសន៍។ ព្រះទ័យរបស់សម្តេចព្រះអគ្គមហាសង្ឃរាជាធិបតី ទេព វង្ស ព្រះអង្គមានទឹកចិត្តទូលំទូលាយចំពោះប្រជាពលរដ្ឋ តាំងតែពីអតីតកាល រហូតដល់បច្ចុប្បន្ន។

យោងតាមទំពរ័ហ្វេសប៊ុករបស់សម្តេចព្រះមហាអរិយវង្សបណ្ឌិត​ ឃី​​ សុវណ្ណារតនា ព្រះសកលវិទ្យាធិការស្តីទី នៃពុទ្ធិកសកលវិទ្យាល័យព្រះសីហនុរាជ រាជធានីភ្នំពេញ បានមានសង្ឃដីកាថា « ទោះបីកាន់ពុទ្ធសាសនា ឬឥស្លាមសាសនា យើងជាមនុស្ស និងរស់នៅបានដោយសារអាហារដូចគ្នា»។​ ព្រះអង្គបានបន្តទៀតថា «លក្ខណៈពិសេសរបស់ទានគឺៈ ទាំងអ្នកឱ្យ និងអ្នកទទួលសុទ្ធតែរីករាយត្រេកអរ»​។​

 

 (រូបថតហ្វេសប៊ុក៖ សម្តេចព្រះមហាអរិយវង្សបណ្ឌិត ឃី សុវណ្ណារតនា)

ការផ្តល់អំណោយដល់ប្រជាពលរដ្ឋនៅឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង ក្នុងសម័យកូរ៉ូណា ឬកូវីដ១៩ គឺជាការជួយសម្រាលទុក្ខលំបាកមួយ និងជាការចូលរួមចំណែកជាមួយរាជរដ្ឋាភិបាល។

ជាការពិត តួនាទីព្រះសង្ឃខ្មែរក្នុងសង្គម គឺពិតជាដើរតួនាទីសំខាន់ណាស់ដើម្បីចូលរួមចំណែកអភិវឌ្ឍសេដ្ឋកិច្ចសង្គមជាមួយប្រមុខរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។​ 

សម្តេជព្រះមហាអរិយវង្ស បណ្ឌិត ឃី សុវណ្ណរតនា បានមានសង្ឃដីកាថា «ជួយគ្នា ក្នុងគ្រាលំបាក»។ ក្នុងសម័យកូរ៉ូណា ឬកូវីដ១៩ យើងត្រូវចូលរួមទប់ស្កាត់ទាំអស់គ្នា ដើម្បីសេចក្តីសុខរួមគ្នា។​ ទោះបីមិនច្រើន តែច្រើន។

ដោយ TheIRs